नेपाली कम्युनिस्ट पार्टी (नेकपा) ले वामपन्थी दलहरूसँग एकताको प्रक्रिया अगाडि बढाउन वार्ता समिति बनाएको छ।
मंगलबार बसेको केन्द्रीय संयोजन समितिको बैठकले विचार, सिद्धान्त र कार्यक्रम मिल्ने अरू कम्युनिस्ट तथा वामपन्थी दलसँग वार्ता, छलफल र एकताको प्रक्रिया अगाडि बढाउन समिति बनाएको हो।
वार्ता समितिको संयोजक नेता देव गुरूङ तोकिएको पार्टी प्रवक्ता प्रकाश ज्वालाले जानकारी दिए।
समितिमा प्रकाश ज्वाला र गंगानारायण श्रेष्ठ सदस्य छन्।
'यो समितिले भोलिदेखि नै विभिन्न कम्युनिस्ट दलहरूसँग वार्ता सुरु गर्नेछ र सहमति हुने दलहरूसँग पार्टी एकताको काम अगाडि बढाउनेछ,' बैठकको निर्णय सुनाउँदै प्रवक्ता ज्वालाले भने।
-1790072299.jpg)
-1746009348.jpg)
