जिल्ला अदालत चितवनले पत्रकार शालिकराम पुडासैनी आत्महत्या प्रकरणमा मुछिएका सिधा कुरा जनतासँग कार्यक्रमका प्रस्तोता रवि लामिछानेलाई थप पाँच दिन प्रहरी हिरासतमा राख्न अनुमति दिएको छ।
न्यायाधीश गायत्रीप्रसाद रेग्मीको इजलासले लामिछानेसहित युवराज कँडेल र अस्मिता कार्कीलाई अनुसन्धान गर्न थप पाँच दिन हिरासतमा राख्न आदेश दिएको हो।
सोमबार पहिलो पाँच दिनको म्याद सकिएपछि प्रहरीले तीनै जनालाई मंगलबार अदालत लगेको थियो।
तीनै जनाविरूद्ध जिल्ला प्रहरी कार्यालय चितवनले आत्महत्या दुरुत्साहन अभियोगमा अनुसन्धान गरिरहेको छ।
पत्रकार शालिकराम पुडासैनीको आत्महत्या प्रकरणको अनुसन्धान सिलसिलामा प्रहरीले उनीहरूलाई साउन ३० पक्राउ गरेको थियो।
-1763886130.jpeg)
-1746009348.jpg)
