गण्डकी प्रदेशसभा सदस्य दीपक मनाङेलाई दुई दिन थुनामा राख्न कास्की प्रशासनले अनुमति दिएको छ।
शुक्रबार जिल्ला प्रशासन कार्यालय कास्कीले मनाङेलाई दुई दिन हिरासतमा राखेर अनुसन्धान गर्न प्रहरीलाई अनुमति दिएको हो।
कास्कीका प्रमुख जिल्ला अधिकारी रमेश केसीले मनाङेलाई दुई दिन थुनामा राख्न प्रहरीलाई अनुमति दिइएको बताए।
मनाङेविरूद्ध प्रहरीले केही सार्वजनिक अपराधअन्तर्गत अनुसन्धान गरिरहेको छ।
एन्फा कास्कीका अध्यक्ष रहेका गुरूङलाई सांसद मनाङेले मंगलबार झापड हानेका थिए। गुरूङले जाहेरी दिएपछि मनाङेलाई प्रहरीले बिहीबार पक्राउ गरेको थियो।
