बझाङको केदारस्युँ गाउँपालिका वडा नम्बर ८ को मल्लेसीमा गएराति पहिरोमा पुरिएकाहरूको उद्धार गर्न गएको सेनाको गाडी दुर्घटनामा परेको छ।
गाउँपालिकाको वडा नम्बर ४ को बाघथलामा से १ ज ४७७ नम्बरको जीप दुर्घटनामा परेको हो।
दुर्घटनामा परी सवार १५ जनामध्ये ३ जना घाइते छन्।
घाइतेमध्ये एक जनालाई डडेलधुरा अस्पतालमा लगिएको छ भने २ जनालाई देउलेक स्वास्थ्य चौकीमा उपचार गराइरहेको जिल्ला प्रहरी कार्यालयका सूचना अधिकारी प्रहरी निरीक्षक लोकेन्द्र सिंहले जानकारी दिए।
साँघुरो घुम्ती बाटो हुनु र जीपमा टेक्निकल खराबी आएका कारण उक्त जीप दुर्घटनामा परेको भन्ने बुझिएको प्रहरी निरीक्षक सिंहले बताए।
दुर्घटनामा कुनै चोटपटक नलागेहरू १२ जना पहिरोमा पुरिएकाहरूको उद्धारको लागि गएका छन्।
प्रकाशित मिति: शनिबार, असार २०, २०७७, १७:०१:००
