मुद्दा मिलाइदिन्छु भन्दै रकम माग्ने एक जना पक्राउ परेका छन्।
बिहीबार बिहान साढे ७ बजे काठमाडौं महानगरपालिका-१५ स्वयम्भूबाट एक पुरूषलाई पक्राउ गरेको महानगरीय प्रहरी वृत्त, थानकोटले जनाएको छ।
पक्राउ पर्नेमा मकवानपुर टिष्टुङ पालुङ नगरपालिका-१२ का३९ वर्षीय चन्द्र लामा भन्ने बुद्धिबहादुर घलान छन्।
उनलाई महानगरीय प्रहरी अपराध महाशाखा तथा महानगरीय प्रहरी वृत्त थानकोटबाट खटिएको संयुक्त टोलीले पक्राउ गरेको हो।
प्रहरीका अनुसार उनले वृत्तमा अनुसन्धानको भइरहेको एक मुद्दा मिलाइदिन्छु भन्दै पीडितसँग ९० हजार रुपैयाँ मागेका थिए।
उनीमाथि प्रहरीले थप अनुसन्धान गरिरहेको छ।
