काठमाडौं उपत्यकामा थप २८७ कोरोना संक्रमित थपिएका छन्।
मंगलबार थप २८७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ। जसमध्ये काठमाडौंमा १९३, ललितपुरमा ५१ र भक्तपुरमा ४३ संक्रमित छन्।
योसँगै उपत्यकामा ३ हजार ३१२ जना सक्रिय संक्रमित छन्। काठमाडौंमा मात्रै एक हजार ८८९ जना, ललितपुरमा ७६३ र भक्तपुरमा ६६० जना सक्रिय संक्रमित छन्।
त्यस्तै, पछिल्लो समय नेपालमा थप ७९२ जनामा कोरोना भाइरसको संक्रमण पुष्टि भएको मन्त्रालयले जनाएको छ।
पछिल्लो २४ घण्टामा ९ हजार ६ सय १९ जनाको कोरोना परीक्षण गर्दा सो संख्यामा संक्रमित थपिएका हुन्।
सात हजार ६० जनाको पिसिआर परीक्षण र २५५९ जनाको एन्टिजेन परीक्षण गरिएको थियो।
नेपालमा हाल १४ हजार ५५४ जना सक्रिय संक्रमित छन्।
यस्तै, पछिल्लो २४ घण्टामा कोरोना भाइरसको संक्रमणबाट १४ जनाको मृत्यु भएको छ। योसँगै मृत्यु हुनेको संख्या ११ हजार २५७ पुगेको छ।
९१० जना निको समेत भएको मन्त्रालयले जनाएको छ। यसैगरी कोरोनाबाट निको हुनेको दर ९६.८ प्रतिशत छ।