बालुवाटारमा सीता दाहालको स्मरण (तस्बिरहरू)

सेतोपाटी संवाददाता

काठमाडौं, असार २७

प्रधानमन्त्री एवम् नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’की श्रीमती सीता दाहालको प्रथम स्मृति दिवस मनाइएको छ।

बिहीबार बिहान प्रधानमन्त्री निवास बालुवाटारमा दाहालको स्मरणमा श्रद्धाञ्जली कार्यक्रम गरिएको हो।

कार्यक्रममा प्रधानमन्त्री प्रचण्डसहित उनका परिवारका सदस्यहरूले सीता दाहालको तस्बिरमा पुष्पगुच्छा एवं माल्यार्पण गरे।

श्रद्धाञ्जली कार्यक्रममा नेकपा (माओवादी केन्द्र)का उपाध्यक्ष एवं उपप्रधानमन्त्री नारायणकाजी श्रेष्ठ, उपाध्यक्षहरू अग्नी सापकोटा, पम्फा भूसाललगायत पार्टी पदाधिकारी, पार्टीका नेता, कार्यकर्ताहरूले श्रद्धाञ्जली अर्पण गरे।

कार्यक्रममा प्रधानमन्त्रीको सचिवालयका सदस्यहरू, सरकारी कर्मचारी, नागरिक समाजका अगुवाहरूको उपस्थिती थियो।

दाहालको स्मरण गर्दै पार्टी उपाध्यक्ष श्रेष्ठले जनयुद्धबाट प्राप्त उपलब्धीको रक्षा गर्ने र जनताको सेवामा समर्पित हुने प्रतिबद्धता व्यक्त गरे। परिवर्तनका योद्धाका रूपमा सीता दाहाल सँधै स्मरणमा रहने बताउँदै उपाध्यक्ष श्रेष्ठले पार्टीलाई थप एकताबद्ध बनाएर अगाडि बढ्नुपर्नेमा जोड दिए।

कार्यक्रममा प्रधानमन्त्री प्रचण्डले ‘स्मृतिमा सीता दाहाल’ पुस्तक विमोचन गरे।

माओवादी केन्द्रका केन्द्रीय सल्लाहकारसमेत रहेकी दाहाल विसं २०२८ देखि कम्युनिष्ट आन्दोलनमा लागेकी थिइन्। विसं २०५२ देखि पार्टी अध्यक्ष प्रचण्डले नेतृत्व ‘जनयुद्ध’मा सहभागी भएकी थिइन्।

तस्बिरहरुः