इलाका प्रहरी कार्यालय काँकडभिट्टा झापाको हिरासतमा रहेका एक जना युवाको मृत्यु भएको छ।
लागु औषध खैरो हेरोइनसहित पक्राउ परेका मेचीनगर नगरपालिका वडा नम्बर ७ पालियाका २८ वर्षीय झकबहादुर खड्का गए राति १:४० बजे बिरामी परेका थिए।
स्वास्थ्यमा समस्या देखिएपछि प्रहरीले उनलाई आम्दा अस्पताल धुलाबारीमा लगेको थियो।
जिल्ला प्रहरी कार्यालय झापाका डिएसपी कृष्ण चन्दका अनुसार उपचारका क्रममा खड्काको मृत्यु भएको हो।
खड्कालाई प्रहरीले साउन १३ बिहान पौने १० बजे मेचीनगर नगरपालिका वडा नम्बर ६ मा ५ ग्राम खैरो हेरोइनसहित पक्राउ गरेको थियो।
उनीमाथि अनुसन्धान गर्न जिल्ला अदालत झापाबाट पाँच दिन हिरासतमा राख्न म्याद थप भएको थियो। उनलाई काँकडभित्तामा राखिएको थियो।
