एक दशक अगाडि नै निर्माण गरी सञ्चालन भइरहेको एक हजार १५ मिटर लम्बाईको नेपालकै लामो कर्णाली (गेरूवा) पुल सञ्चालनसँगै सो क्षेत्रका स्थानीयहरू लाभान्वित भएका छन्।
राजापुर नगरपालिका लगायत सो क्षेत्रका स्थानीयहरूले वर्षौंदेखि जोखिमपूर्ण रूपमा नदी तर्न नाउ, ढुंगा प्रयोग गर्नुपर्ने अवस्थाको अन्त्य भएको छ।
यस पुल नेपालकै लामो पुल मात्र नभई निर्माण गर्दा समेत लक्ष्यभन्दा नौ महिनाअघि नै सम्पन्न गरिएको हो।
२०६७ कात्तिक १६ गतेदेखि निर्माण सुरू गरिएको पुल ०७२ असार मसान्तभित्र पूरा गर्ने सम्झौता थियो।
लक्ष्यभन्दा निकै तीव्र गतिमा काम सम्पन्न भई तोकिएको समयभन्दा नौ महिना अगावै ०७१ भदौ मसान्तमा पुल निर्माण सम्पन्न भएको थियो।
एक दशक अगाडिसम्म 'पुलको अभावमा गर्भवती, अशक्त, बिरामीलाई जुन समस्या हुन्थ्यो अब त्यो समाप्त भएकोमा स्थानीय खुसी भएका छन्।
सदरमुकाम गुलरियाबाट २५ किलोमिटर पश्चिममा बनेको पुलको चौडाइ ९ मिटर १० सेन्टिमिटर डबल लेनको फुटपाथ समेत छ। पुल निर्माणपछि राजापुर क्षेत्रका करिब २ लाखभन्दा बढी जनता लाभान्वित भएका छन्।
तस्बिरहरू:
-1759905141.jpg)
-1759905140.jpg)
-1759905138.jpg)
-1759905136.jpg)
-1759905137.jpg)
-1759905137.jpg)
-1759905138.jpg)
-1759905136.jpg)
तस्बिर: नेपाल फोटो लाइब्रेरी।
-1746009348.jpg)
