बाँके नेपालगञ्जको एक रेष्टुराँमा प्रहरीले छापा मारेर जुवाडेलाई नियन्त्रणमा लिएको छ।
नेपालगञ्ज उपमहानगरपालिका–२ बाइपास रोडमा रहेको विज्ञान श्रेष्ठले सञ्चालन गरेको ‘मौरी रेष्टुराँ’ मा छापा मारेर प्रहरीले १४ जुवाडे पक्राउ गरेको हो।
गोप्य सूचनाको आधारमा पुगेको प्रहरीको १५ जनाको टोलीले रेष्टुराँको दोस्रो तल्लाको हल कोठामा जुवा खेलिरहेका उनीहरूको साथबाट नगद १३ लाख ६३ हजार ८०० रुपैयाँ बरामद भएको जिल्ला प्रहरी प्रवक्ता डिएसपी दिपक पातलीले बताए।
प्रहरीले जुवा खेलिरहेका नेपालगञ्ज–२ न्यूरोडका २८ वर्षीय विज्ञान श्रेष्ठ, नेपालगंज – १० का ३६ वर्षीय गणेश बस्नेत, नेपालगंज –१६ जयसपुरका ४६ वर्षीय सेताज अन्सारी, नेपालगंज –९ त्रिभुवनचोकका २४ वर्षीय ऋषि गुप्ता, नेपालगंज –४ बसपार्कका ५२ वर्षीय तरूण गौतम, नेपालगंज –१२ कोरियनपुरका ३७ वर्षीय बिनोद खड्का, नेपालगंज – ४ बसपार्कका ४८ वर्षीय मोहम्मद सफिक बेहनासहितका ब्यक्तिलाई पक्राउ गरेको हो।
बुधबार राति साढे ११ बजे प्रहरीले छापा हानेर जुवा खेली रहेको अवस्थामा नेपालगंज–१८ कारकाँदोका ४७ वर्षीय संगम शाह, नेपालगंज –४ बसपार्कका ५० बर्षीय मधुसुधन दहाल, बसपार्क बस्ने ४५ बर्षीय मेघराज गौतम, नेपालगंज –१ धम्बोजी बस्ने ४५ बर्षीय रमेश शाही, कोहलपुर नगरपालिका – ११ पिपलचौतारा बस्ने ३८ बर्षीय भागिरथ यादव, कोहलपुर – ९ झण्डहवा बस्ने ४२ बर्षीय नन्दलाल यादब र कोहलपुर – २ लक्ष्मणपुर बस्ने ४० बर्षीय सुमन केसीलाई पक्राउ गरिएको डिएसपी पातलीले जानकारी दिए।
पक्राउ परेकाहरूमाथि आवश्यक अनुसन्धान जारी रहेको प्रहरीले जनाएको छ।
उनीहरूका विरूद्ध जुवा ऐन अन्तरगत मुद्दा चलाउने तयारी प्रहरीले गरेको छ।
-1746009348.jpg)
