दाङको घोराहीस्थित राप्ती स्वास्थ्य विज्ञान प्रतिष्ठानका उपकुलपति डा. विकास लामिछानेले आफ्नो पदबाट राजीनामा दिएका छन्।
प्रधानमन्त्री सुशीला कार्कीलाई भेटेर बुधबार दिउँसो आफूले राजीनामा बुझाएको लामिछानेले सेतोपाटीलाई बताए।
राजीनामा पत्रमा उनले घरायसी र स्वास्थ्य समस्या कारण देखाएका छन्।
तर सेतोपाटीसँग कुरा गर्दै उनले प्रतिष्ठानमा काम गर्ने वातावरण नभएपछि आफूले पदबाट राजीनामा दिएको प्रतिक्रिया दिए।
‘मेरापछि विभिन्न समूहहरू लगाउने काम भयो। मनोबल गिराउने काम गरियो,’ लामिछानेले भने, ‘मेरो चरित्र हत्या गर्नेसम्मका हर्कतहरू गर्न थालिएका थिए। भ्रष्टाचारको दोषारोपण गर्न थालिएको थियो। मेरो योग्यतामाथि पनि अनावश्यक कुराहरू उठेपछि मलाई चित्त बुझेन।’
यस्तै, विभिन्न समूहहरूको घेराबन्दीमा पार्न थालिएपछि आफूले चार वर्षे कार्यकाल सकिनुभन्दा चार महिना पहिले नै पदबाट राजीनामा बुझाएको लामिछानेले बताए।
उनको चार वर्षे कार्यकाल आउने फागुनमा सकिँदै थियो।
आफू छँदा प्रतिष्ठानलाई उत्कृष्ट स्वास्थ्य संस्था बनाउन इमानदारीपूर्वक प्रयास गरेको र विभिन्न एकेडेमिक कक्षाहरू सुरू भए पनि कतिपयले त्यो बुझ्न नसकेको उनले गुनासो छ।
तर योग्यता नपुगेको भन्दै अख्तियारमा लामिछानेविरूद्ध मुद्दा परेको हुँदा राजीनामा दिएको स्रोतले बतायो।
'अख्यितारले उनीविरूद्ध विशेष अदालतमा मुद्दा दायर गर्ने तयारी गरेपछि उनले पदबाट राजीनामा दिएका हुन्,' स्रोतले भन्यो।
लामिछानेले नन–प्राक्टिल भत्ता पनि खाएको हुँदा त्यसविरूद्ध मुद्दा परे ती सबै फिर्ता गर्नुपर्ने अवस्था रहेको स्रोतको दाबी छ।
1635339834.jpeg)
-1756794700.JPG)
-1746009348.jpg)
