कैलाली, जानकी गाउँपालिका-९ का वडाध्यक्ष खकेन्द्र भण्डारीसहित ८ जनाविरूद्ध भ्रष्टाचार मुद्दा दर्ता भएको छ।
अख्तियार दुरूपयोग अनुसन्धान आयोगले वडाध्यक्ष भण्डारीसहित ८ जनाविरूद्ध शुक्रबार विशेष अदालतमा भ्रष्टाचार मुद्दा दर्ता गरेको हो।
पालिकाकै वडा सचिव प्रेमबहादुर बुढा, कार्यालय सहयोगी सोनम कठरिया, तत्कालीन खरिदार पूर्णबहादुर विष्ट, वडा सदस्य कल्पना खड्का, सुनकोसा सार्की, विजयबहादुर रावल, शेरबहादुर विश्वकर्माविरूद्ध भ्रष्टाचार मुद्दा दर्ता गरिएको हो।
उनीहरूले सामाजिक सुरक्षा भत्ता वितरण गर्दा सोही वडामा नै मृत्युदर्ता भएका र एकै नारिकतामा दोहोरो सामाजिक सुरक्षा भत्ताको नाममा भ्रष्टाचार गरेको अख्तियारको प्रवक्ता राजेन्द्रप्रसाद पौडेलले जानकारी दिए।
उनीहरूले मृत्यु भएका व्यक्ति र दोहोरो लाभग्राही अभिलेख बनाई ६८३ जना रकम निकासा गरेको अख्तियारको आरोप छ।
वडाध्यक्षको नक्कली कागजातमा गरिएको औंठा छापसमेत मिल्न गएको अख्तियारका प्रवक्ता पौडेलले बताए।
उनका अनुसार वडाध्यक्ष खकेन्द्र, वडा सचिव प्रेमबहादुरलाई ७३ लाख, कार्यालय सहयोगी सोनमलाई ९ लाख, खरिदार पूर्णबहादुरलाई २४ हजार रूपैयाँ बिगो माग दाबी गरिएको छ।
-ink-1757668414.jpeg)
1635339834.jpeg)
-1746009348.jpg)
