कलाकार किरण केसी (रातामकै) लाई नेपाल प्रहरीले सम्मान गरेको छ।
शुक्रबार ७० औं प्रहरी दिवस, २०८२ को अवसरमा केसीलाई सम्मान गरिएको हो।
केसीले जेन जीको नाममा भएको आन्दोलनमा आन्दोलनकारीले प्रहरी कार्यालय तोडफोड र आगजनी गरेपछि पुनःनिर्माण गर्न महत्वपूर्ण भूमिका खेलेका थिए।
उनले प्रहरी भवन निर्माणमा सहयोग गरेको हुँदा आफूलाई सम्मान गरिएको बताए।
'१० वर्षअघि सातदोबाटोको भवन बनाउन सहयोग गरेको थिएँ,' उनले भने, 'यसपटक पनि भदौ २४ गते आन्दोलनकारीले प्रहरी कार्यालय तोडफोड र आगजनी गरेपछि हामीले प्रहरी कार्यालय पुनःनिर्माण गर्यौं।'
केसी नेतृत्वको समूहले नगद र जिन्सी गरी ७१ लाख रुपैयाँ सहयोग जुटाएर सातदोबाटो प्रहरी वृतलाई फेरि सञ्चालनमा ल्याएको उनले बताए।
1635339834.jpeg)
-1746009348.jpg)
