“लर्निङ टुगेदर लिडिङ फरइभर” भन्ने थिममा जुनियर जेसीजको सिग्नेचर प्रोजेक्टको रूपमा स्थापना गरेको जुनियर वीरता जेसीज बिर्तामोडका अध्यक्ष अश्मित गोसाईंको अध्यक्षतामा सम्पन्न भएको छ।
उक्त कार्यक्रम आठ दिनसम्म सञ्चालन भइ १२ वटा फरक–फरक प्रशिक्षण शत्रहरू सहित सम्पन्न भएको हो।
उक्त प्रशिक्षण कार्यक्रममा ७० भन्दा बढी विद्यार्थीहरूले प्रत्यक्ष लाभ लिएका थिए। सहभागी विद्यार्थीहरूलाई व्यावसायिक जगतमा प्रवेशका लागि आकर्षक र प्रभावकारी सीभी तयार गर्ने सीप, युवाहरूमा आत्मविश्वास, नेतृत्वसीप, उद्यमशील सोचको विकास, साथै सेयर बजार लगानी र वित्तीय सचेतना सम्बन्धी आधारभूत ज्ञान प्रदान गरिएको थियो।
त्यसैगरी, सहभागीहरूले बोल्ने कला, उद्घोषण कला, स्टेज ह्यान्डलिङ, कार्यक्रम सञ्चालन क्षमता सुधार, समूहमा काम गर्ने दक्षता, र समय व्यवस्थापन सम्बन्धी प्रशिक्षणहरू पनि प्राप्त गरेका थिए।
कार्यक्रमले बालबालिकामा व्यवहारिक सीपसहित सकारात्मक सोच र जिम्मेवार नागरिक बन्ने प्रेरणा जगाएको सहभागीहरूले बताएका छन्।समापन समारोहका प्रमुख अतिथि बिर्तामोड उद्योग वाणिज्य संघका अध्यक्ष राजु न्यौपाने रहनुभएको थियो भने शुभकामना मन्तव्य कार्यक्रमका विशिष्ट अतिथि वीरता जेसीजका सन् १९८५ का शाखा अध्यक्ष, बिर्तामोड उद्योग वाणिज्य संघका पूर्व अध्यक्ष वेद प्रकाश अग्रवालले दिएका थिए।
मन्तव्यमा वीरता जेसीजका पूर्व अध्यक्ष, प्रशिक्षक, अतिथिहरूले युवाहरूमा नेतृत्व र आत्मविश्वास विकास गर्ने यस्ता प्रशिक्षणले समाजमा सकारात्मक परिवर्तन ल्याउने विश्वास व्यक्त गरे।
कार्यक्रमका अध्यक्ष वीरता जुनियर जेसीजका अध्यक्ष अश्मित गोसाईंले यस्ता प्रशिक्षणहरूले युवाहरूलाई नेतृत्व, आत्मविश्वास र उद्यमशील सोच विकास गर्ने अवसर प्रदान गर्नेमा विश्वास व्यक्त गरे।
उनले हामी भविष्यका जिम्मेवार र सृजनशील युवा तयार पार्न यस्ता गतिविधिहरू निरन्तर गर्दै जाने बताए। सो अवसरमा प्रशिक्षार्थीहरूलाई सम्मान गरिनुका साथै प्रमाणपत्र वितरण गरी आउँदो राष्ट्रिय जुनियर जेसीज लिडर्स एकेडेमीको लागि जेसीज प्रश्नोत्तर प्रतियोगिता गरी पुरस्कार वितरण समेत गरिएको थियो।
छैटौं दिनको दसौं प्रशिक्षण नेतृत्वमा महिलाको भूमिका प्रशिक्षण सत्रलाई कार्यक्रमको सबैभन्दा प्रेरणादायी र सफल सत्रको रूपमा लिइएको थियो।
1635339834.jpeg)
-1746009348.jpg)
