पृथ्वी राजमार्ग अन्तर्गत मुग्लिन–आँबुखैरेनी सडकमा लामो सवारी जाम छ। जसका कारण मुग्लिनगढ–नागढुंगा र नारायणगढ–मुग्लिनतर्फका सवारी साधनहरू बीचमै रोकिएका छन्।
पृथ्वी राजमार्ग अन्तर्गत मुग्लिन–आँबुखैरेनी सडकको साखर भन्ने स्थानमा सडक एकतर्फी भएकाले लामो जाम भएको सडक डिभिजन भरतपुरले जानकारी दिएको छ।
‘पृथ्वी राजमार्गअन्तर्गत मुग्लिन–आँबुखैरेनी सडकको साखर भन्ने स्थानमा सडक एकतर्फी भएकोले सवारी साधन साधनहरूको चाप अत्यधिक हुन गई मुग्लिन–नारायणगढ सडक खण्डमा समेत जाम पर्न गएको छ,’ सडक डिभिजन भरतपुरले जानकारी दिँदै भनेको छ।
सडक डिभिजनले पहिरोको उच्च जोखिम स्थानहरू लगायत पुलमाथि सवारी साधन नरोक्न सबैलाई आग्रह गरेको छ।
नारायणगढ–मुग्लिन सडक खण्डको तुइन खोलामा मनसुनअगाडि सुख्खा पहिरो खसेर पटकपटक सवारी आवागमन अवरूद्ध भएको थियो।
-1746806322.jpg)
-1746009348.jpg)
