सशस्त्र प्रहरीले चलाएको गोली लागेर सुनसरीको कोशी गाउँपालिकामा एक जना स्थानीयको मृत्यु भएको छ।
कोशी गाउँपालिका–१ का ४५ वर्षका विजय साहको सशस्त्रको गोली लागेर मृत्यु भएको हो।
‘तस्करी नियन्त्रणका लागि खटिएको सशस्त्र प्रहरीले चलाएको गोली लाग्दा घटना भएको हो,’ सुनसरी प्रहरीले भनेको छ।
यो घटना गए राति करिब १ः१० बजेतिर कोशी गाउँपालिका–१ पुरी टोलको हो।
सुनसरी प्रहरी प्रवक्ता चन्द्रबहादुर खड्काका अनुसार साह इ रिक्सा (सिटी सफारी) मा भारतबाट चिनी लिएर आउँदै थिए। त्यसक्रममा विवाद हुँदा सशस्त्रले उनीमाथि गोली हानेको भन्दै स्थानीयले प्रदर्शन गरिरहेका छन्।
उनीहरूले लेनदेन विवादमा गोली हानिएको आरोप लगाएका छन्। सशस्त्र प्रहरीले भने तस्करसँगको भिडन्तमा एक जना मारिएको दाबी गरेको छ।
सशस्त्र काेशी प्रदेशका प्रमुख डिआइजी कुमार न्याैपानेले चाेरीकाे सामान बोकेको सवारी राेक्न खाेज्दा गाेली प्रहार भएको र एपीएफले जबाफी फायरिङ गरेकाे दाबी गरेका छन्।
-1746009348.jpg)
