नेपाल शैक्षिक परामर्श संघ (ईक्यान)को अध्यक्ष पदका लागि दीपकराज भुसालको टिमले उम्मेदवारी घोषणा गरेको छ।
संघको आगामी पुस २७ गते हुने निर्वाचनका लागि भुसाल नेतृत्वको टिमले २६ एजेण्डालाई जोड दिएको छ।
अध्यक्षमा उमेदवारी दिएका भुसालले ईक्यानलाई एउटा संस्था मात्र नभएर सम्पूर्ण व्यवसायीहरूको विश्वास, विद्यार्थीहरूको सपना र अभिभावकहरूको भरोसाको केन्द्र बनाउन आफू थप क्रियाशील हुने बताएका छन्।
उनले ईक्यानका सदस्य सञ्चालक र कार्यालयको पूर्णसुरक्षा सुनिश्चित गर्ने प्रतिबद्धता समेत जनाएका छन्।
भुसालसँगै उपाध्यक्षमा विकल्पराज पोखरेल,रत्न भट्टराई छन्।
त्यस्तै महासचिवमा भवनाथ हुमागाईंले आफ्नो उमेदवारी घोषणा गरेका छन्।
सचिवमा आशिक कार्की र सुरज सिलवाल उमेदवार हुनेछन भने कोषाध्यक्षमा उमा खड्का पाठक छन्।त्यस्तै सह कोषाध्यक्षमा गोबिन्द खनाल छन्।
सदस्यहरुमा नवराज नेपाल,दामोदर शर्मा न्यौपाने, विवेक बस्नेत,अनन्त घिमिरे,सन्जिब पाण्डे,उदधब बन,कमल तिमिल्सिना,बसन्त पाण्डे रहेका छन्।
महासचिवमा उमेदवारी दिएका हुमागाईंले शैक्षिक परामर्श व्यवसायलाई व्यवस्थित, मर्यादित र सशक्त बनाउने अभियानमा थप सक्रिय हुने बताएका छन्।
आगामी कार्यकालमा केन्द्र–शाखा समन्वयलाई संस्थागत बनाउने, नीति–स्तरमा प्रभावकारी पैरवी गर्ने, सरकार तथा अन्तर्राष्ट्रिय सरोकारवालासँग ईक्यानको हैसियत मजबुत बनाउने, पारदर्शी र आर्थिक रूपमा सबल संस्था निर्माण गर्ने तथा युवा र नयाँ उद्यमीलाई समेट्ने दीर्घकालीन रणनीति कार्यान्वयन गर्ने उनको प्रतिबद्धता छ।
यस्ता छन् एजेन्डा-
-1746009348.jpg)
