भदौ २४ गते फरार भएका प्रतिवादीलाई प्रहरीले पक्राउ गरेको छ।
लागुऔषध नियन्त्रण ब्युरोले ३१ वर्ष कैद सजाय र ४ लाख ५० हजार जरिवाना पाएका व्यक्तिलाई पक्राउ गरेको एसपी दुर्गाराज रेग्मीले जानकारी दिए।
पक्राउ पर्नेमा झापा हल्दीबारी गाउँपालिका-१ का २८ वर्षीय अन्जान राई छन्। उनीबाट २५२ ग्राम खैरो हेरोइन बरामद भएको हो।
उनीविरूद्ध ब्युरोले चार वटा मुद्दा दायर गरेको छ। जिल्ला अदालत काठमाडौंले उनलाई ३१ वर्ष कैद र ४ लाख ५० हजार रुपैयाँ जरिवाना तोकेको थियो।
थप अनुसन्धानको क्रममा प्रहरीले उनीसँग लागुऔषध बेचबिखनमा संलग्न झापाकै ३२ वर्षीय सुबास भन्ने दोर्जे तामाङ र टोखाका २४ वर्षीय राहुल डंगोललाई पक्राउ गरेको थियो।
उनीहरूबाट ५२.७५० ग्राम लागुऔषध बरामद गरेको छ।
उनीहरूबाट प्रहरीले दुई वटा डिजिटल तराजु पनि बरामद गरेको छ।
-1746009348.jpg)
