नेपाल दूरसञ्चार प्राधिकरणका तत्कालीन कार्यकारी अध्यक्ष भुपेन्द्र भण्डारी पक्राउ परेका छन्।
केन्द्रीय अनुसन्धान ब्युरोले उनलाई स्मार्टसेलको अनुसन्धानको सिलसिलामा पक्राउ गरेको एसएसपी अनुपम शमशेर जबराले जानकारी दिए।
स्मार्ट टेलिकम प्रालिको अनुमतिपत्र नियमअनुसार नवीकरण नगरेको कारणले उक्त कम्पनीको अनुमति पत्र स्वत रद्द भएको थियो।
उक्त कम्पनी प्राधिकरणको नाममा गएको थियो। तर मिलेमतो गरी नेपाल इन्भेष्टमेन्ट मेगा लिमिटेड र एनसेल आजीयाटा लिमिटेडले उक्त कम्पनीलाई लिलाम गरेको आरोप छ।
लिलामी गरी ठगी, आपराधिक विश्वासघात र संगठित अपराध गरेको आरोपमा उनलाई पनि पक्राउ गरेको हो।
