नेपाली कांग्रेसको पोखरा महानगर समितिको सभापतिमा सुरेन्द्रमान बिजुक्छे पुनः निर्वाचित भएका छन्।
नेपाली कांग्रेसको १५ औं महाधिवेशनअन्तर्गत बिहीबार सम्पन्न अधिवेशनमा यसअघि पनि सभापति रहेका बिजुक्छेले ६ सय ८७ मत प्राप्त गरेर विजयी भएका हुन्।
उनका निकटतम प्रतिस्पर्धी पोखरा–६ का वडा सभापति सन्तोष पौडेलले ३ सय १७ र यसअघि महानगर समिति सचिव रहेका गणेशबहादुर थापाले ३ सय १५ मत प्राप्त गरे।
पोखरा महानगर समितिको अधिवेशनमा १ हजार ४ सय ४८ प्रतिनिधि मतदाता रहेकामा १ हजार ३ सय ४१ मत खसेको थियो।
उपसभापतिमा किर्तिबल्लभ त्रिपाठी निर्वाचित भएका छन्। उनले ९ सय २० मत प्राप्त गर्दा उनका निकटतम प्रतिस्पर्धी मीनप्रसाद भट्टराईले ३ सय ३१ मत पाए।
महिला उपसभापतिमा सुचिता तामाङ निर्वाचित भएकी छन्। तामाङले ६ सय ८२ मत प्राप्त गर्दा उनकी निकटतम प्रतिस्पर्धी अम्बिका ढुंगानाले ६ सय ८ मत पाइन्।
सचिवमा धनञ्जय पौडेल निर्विरोध निर्वाचित भएका छन्। यसअघि महानगर समितिको सदस्य रहेका पौडेल सर्वसम्मत रूपमा सचिव बनेका हुन्।
सहसचिवमा दामोदर पराजुली निर्वाचित भए। उनले ७ सय १३ मत प्राप्त गर्दा उनका निकटतम प्रतिस्पर्धी थानेश्वर तिवारीले ५ सय ६० मत पाए।
महानगर समितिका बाँकी सदस्य पनि निर्विरोध निर्वाचित भएका छन्।
-1790072299.jpg)
-1746009348.jpg)
