महिला, बालबालिका, लैङ्गिक तथा यौनिक अल्पसंख्यक र सामाजिक सुरक्षा मन्त्रालयले हवाई उद्धार कार्यक्रममार्फत डोल्पाकी एक गर्भवतीको उद्धार गरेको छ।
मन्त्रालयद्वारा सञ्चालित राष्ट्रिय महिला सशक्तीकरण परियोजनाअन्तर्गत भौगोलिक विकटताका कारण ज्यान जोखिममा परेकी डोल्पाको छार्काताङसोङ गाउँपालिका–४ निवासी समयमै सफल उद्धार गरिएको छ।
स्थानीय स्वास्थ्य संस्थामा उपचार सम्भव नभएपछि जटिल प्रसूति समस्या झेलेकी उनलाई कात्तिक १७ गते नेपाली सेनाको हेलिकप्टरमार्फत थप उपचारका लागि सुर्खेत ल्याइएको मन्त्रालयले जनाएको छ।
दुर्गम तथा विकट क्षेत्रका यातायात र स्वास्थ्य पहुँचबाहिर रहेका गर्भवती तथा सुत्केरीलाई आपतकालीन अवस्थामा जीवनरक्षक स्वास्थ्य सेवा प्रदान गरी सुरक्षित मातृत्व सुनिश्चित गर्ने उद्देश्यले सरकारले यो हवाई उद्धार कार्यक्रम सञ्चालन गर्दै आएको छ।
मातृ तथा नवजात शिशुको ज्यान जोगाउन यो कार्यक्रम दुर्गम क्षेत्रका नागरिकका लागि प्रभावकारी सहारा बन्दै गएको छ।
-1793701229.jpg)
