अन्तर्राष्ट्रिय क्रिकेट परिषद् (आइसिसी) ले सार्वजनिक गरेको टी–२० वरियतामा राष्ट्रिय टोलीका बलरहरु सन्दीप लामिछाने, करण केसी र अविनाश बोहरा समावेश भएका छन्।
नेपाली बलरहरुमा सन्दीप शीर्ष स्थानमा छन्। वरियताको बलिङतर्फ सन्दीप ६४औँ स्थानमा रहेका छन्। सन्दीपले ४२२ रेटिङ अङ्क पाएका छन् ।
यस्तै ३७७ रेटिङ अङ्क पाएका करण ८३औँ स्थानमा छन् । ३५२ रेटिङ अङ्क पाएका अविनाश १००औँ स्थानमा छन् ।
त्यस्तै बलिङतर्फ सोमपाल ४०८ रेटिङ अङ्कसहित ६८औँ स्थानमा छन्। ३८६ रेटिङ अङ्क पाएका वसन्त ९०औँ स्थानमा झरेका छन्।
अलराउन्डर वरियतातर्फ कप्तान पारस २४औँ स्थानमा उक्लिएका छन् ।
कप्तान खड्काले १०८ रेटिङ अङ्क पाएका छन्। अलराउन्डरतर्फ ५९ रेटिङ अङ्क पाएका नेपालका सोमपाल कामी ६२औँ स्थानमा यथावत् रहेका छन्।
अलराउन्डतर्फ करण ४२ रेटिङ अङ्कसहित ८२औँ स्थानमा छन्।
ब्याटिङतर्फ कप्तान खड्काले ठूलो फड्को मारेका छन्। कप्तान पारस ४५औँ स्थानमा उक्लिएका छन्। ४६६ रेटिङ अङ्क पाएका कप्तान पारस अघिल्लो पटक ६६औँ स्थानमा रहेका थिए। पारसले यसै महिना सिंगापुरविरुद्ध शतक प्रहार गरेका थिए।
-1746009348.jpg)
