अस्ट्रेलियाको बिग ब्यास लिग (बिबिएल) मा नेपालका लेग स्पिनर सन्दीप लामिछानेले उत्कृष्ट बलिङ गरेका छन्।
मेलवर्न स्टार्सका बलर सन्दीपले पर्थ स्कोर्चर्सविरुद्ध बुधबार जारी खेलमा २ विकेट लिएका छन्।
तीन ओभर बलिङ गरेका सन्दीपले १ ओभरमा मेडन फ्याँक्दा केवल ७ रन दिए।
सन्दीपले १३औं ओभरमा लगातार दुई विकेट लिएका थिए। उनले १३औं ओभरको तेस्रो बलमा क्रिस जोर्डनलाई ५ रनमा क्याच आउट गरे।
चौथो बलमा सन्दीपले जे रिचार्डसनलाई बोल्ड गरे। पाँचौ बलमा पनि विकेट लिएर ह्याट्रिक अवसर भने उनले गुमाए। पाँचौ बलमा फवाद अमहेदविरुद्ध सन्दीपले लाइनमा बलिङ गर्न सकेनन्।
सन्दीपसँगै मेलवर्नका ज्याक्सन कोलम्यानले पनि राम्रो बलिङ गरे। उनले ३ विकेट हात पारे।
मेलवर्नले कसिलो बलिङ गरेपछि पर्थ १३.५ ओभरमा ८६ ओभरमा अलआउट भयो।
सन्दीपले जारी लिगमा ९ खेल खेल्दा ११ विकेट लिएका छन्। उनले ७ खेलमा विकेट लिँदा २ खेलमा विकेट लिन सकेका छैनन्।