सुदूरपश्चिम प्रदेशले वीर गणेशमान सिंह राष्ट्रिय पुरुष टी–२० प्रतियोगितामा शनिबार सहज जित हात पारेको छ । दुई खेल खेलेको सुदुरपश्चिमले गण्डकी प्रदेशलाई ९ विकेटले पराजित ग¥यो । दुई खेलमा सुदूरपश्चिमको यो पहिलो जित हो ।
माथिल्लो मूलपानी मैदानमा टस हारेर ब्याटिङमा उत्रिएको गण्डकीले १८.३ ओभरमा अलआउट हुनुअद्धि ११७ रनको योगफल खडा ग¥यो ।
शीर्ष ३ मा ब्याटिङ गरेका अर्जुन कुमाल, ईश्वर क्षेत्री र दिपक डुम्रेलाई सस्तैमा गुमाएको गण्डकी कुनै समय १९–३ को स्थितिमा थियो ।
गण्डकीका कप्तान विपिन खत्रीले अविजित १९ बलमा ३० रन तथा रोशन गौतमले २३ बलमा २८ रन बनाए । यस्तै करन पंगेनी र दिनेश बुढा मगरले समान १५÷१५ रन बनाउन बाहेक अन्य ब्याट्सम्यानले दोहोरो अंकमा रन बनाउन सकेनन् ।
बलिङतर्फ सुदुरपश्चिमको बलिङ्गमा नरेन भट्टले मात्र १ रन खर्चिएर २ विकेट लिए । नारायण जोशी र शेर मल्लले पनि समान २÷२ विकेट हात पारे ।
जवाफमा ११८ रनको लक्ष्य सुदूरपश्चिमले १९ ओभरमा १ विकेट गुमाएर पुरा ग¥यो । सुदूरपश्चिमलाई सहज जित दिलाउने क्रममा ‘प्लेयर अफ दि म्याच’ चुनिएका अभिषेक पालले सर्वाधिक ४९ रन बनाए । बसन्त कार्कीले अविजित ३७ र राजु रिजालले अविजित २९ रन प्रहार गरे ।
अर्को खेलमा लुम्बिनी प्रदेशले कोशी प्रदेशलाई ५० रनले पराजित ग¥यो । कोशीको दुई खेलमा लगातार दोस्रो हार हो ।
लुम्बिनीले निर्धारित २० ओभरमा ८ विकेट गुमाएर १३८ रन जोडेको थियो । लुम्बिनीको ब्याटिङमा कप्तान देव खनालले २२ बलमा ४५ रन जोडे । दिल्शाद अलिले १७ र कृष्ण कार्कीले अविजित १६ रन बनाए ।
कोशीका दिपेश कँडेलले २ विकेट लिए । फिर्दोश अन्सारी, ज्ञानेन्द्र श्रेष्ठ, सर्वन यादव, सौजन घिमिरे र अंकित सुवेलीले समान १÷१ विकेट हात पारे ।
प्रत्युत्तरमा १३९ रनको लक्ष्य पछ्याएको मैदान उत्रिएको कोशी एक समय ४०–७ को अवस्थामा थियो । कोशी प्रदेशले १९.४ ओभरमा पूरै विकेट गुमाउदै ८८ रन मात्र जोड्यो ।
कोशीका लागी समिर कार्कीले सर्वाधिक २३ रन, सौजन घिमिरेले १६ रन तथा अंकित सुवेदीले ११ रन जोडे ।
कोशीलाई कम योगफलमा रोक्ने क्रममा लुम्बिनीका देव खनाल, नर सार्की र अविशेष गौतमले समान २÷२ विकेट लिए । अल राउण्ड प्रदर्शन गरेका लुम्बिनीका कप्तान देव खनाल खेलको प्लेयर अफ दि म्याच घोषित भए ।
