जापानको इची–नागोयामा जारी २०औँ एसियाली खेलकुदअन्तर्गत महिला कबड्डीमा नेपालले कास्य पदक जितेको छ।
शुक्रबार भएको सेमिफाइनलमा भारतसँग ४८–२४ अंकले पराजित भएपछि नेपाल फाइनल प्रवेश गर्न असफल भयो। यद्यपि, सेमिफाइनलमा पुगेसँगै नेपालले कास्य पदक पक्का गरेको थियो।
नेपालको महिला कबड्डी टोलीले एसियन गेम्समा लगातार दोस्रो संस्करण कास्य पदक जित्दै इतिहास बनाएको छ। यसअघि चीनको हाङझाउमा भएको १९औँ एसियन गेम्समा पनि नेपालले महिला कबड्डीमा कास्य पदक जितेको थियो।
नेपालले यसपटक समूह चरणमा उत्कृष्ट प्रदर्शन गर्दै सेमिफाइनलको यात्रा तय गरेको थियो। बिहीबार भएको समूहको दोस्रो खेलमा नेपालले श्रीलंकालाई ३४–२५ अंकले पराजित गर्दै सेमिफाइनलमा स्थान बनाएको थियो।
त्यसअघि नेपालले थाइल्यान्डलाई ४६–४३ अंकले हराएको थियो। समूहको अर्को खेलमा भने नेपाल चाइनिज ताइपेईसँग ३७–१८ अंकले पराजित भएको थियो।
यससँगै नेपालले २०औँ एसियन गेम्समा दोस्रो पदक हात पारेको छ। यसअघि करातेका तेन्जिङ शेर्पाले कास्य पदक जितेका थिए।
-1788334994.jpg)
.JPG)
-1746009348.jpg)
