महिनौं देखिको तयारीपछि बलिउड अभिनेता विक्की कोशल र अभिनेत्री कट्रिना कैफले आज वैवाहिक लगनगाँठो कसेका छन्। उनीहरुको बिहे राजस्थानको सिक्स सेन्सेस फोर्टमा भएको हो। विवाहमा बलिउडका ठूला कलाकार र संगीतकार राजस्थान पुगिसकेका छन्।
पिंकभिल्लाका अनुसार विक्की र कट्रिनाले बिहेको दुई दिनअगाडि हुने संगीत समारोह पनि भव्य तरिकाले मनाए। संगीत समारोहमा यी जोडीले नृत्य प्रर्दशन गरेको बताइएको छ। यसैगरी समारोहमा सबैको ध्यान त्यहाँ ल्याइएको केकले तानेको थियो।
उक्त केक भारतको प्रसिद्ध बेकरी माइरा झुनझुनवालाले बनाएको बताइन्छ। बलिउडको चर्चित जोडीको संगीतका लागि केकको जिम्मा पाएपछि माइराले पनि सबैको आँखामा पर्ने सुन्दर पाँच तल्ले केक बनाएको आन्तरिक स्रोतको भनाइ छ।
सो केक सिक्स सेन्सेस फोर्ट भित्रै बनाइएको थियो। यसको मूल्य भने चार लाख भारुभन्दा बढी परेको पिंकभिल्लाले जनाएको छ।
विक्की र कट्रिनाको बिहे आज दिउँसोभरमा सकिने र राती अर्को भव्य भोज गरिने बताइएको छ। साथै उनीहरुको विवाहका लागि बनाइएको मन्डप पनि निकै राम्रोसँग सजाइएको छ।
