दिवाकर भट्टराईले निर्देशन गर्न लागेको फिल्म 'मायावी' मा अभिनेता सुशिल सिटौला अनुबन्धित भएका छन्।
आइतबार निर्माण टिमले एक पोस्टर सार्वजनिक गर्दै फिल्ममा सुशिललाई अनुबन्ध गराएको जानकारी दिएका हुन्।
सुशिलले यसअघि अभिनय गरेका फिल्म 'होस्टेल रिटर्न्स, गाँजा बाजा, रणवीर, जुलेबी, ऐंचो पैंचो' बाट आफ्नो कामको प्रशंसा पाएका थिए।
'मायावी' मा यसअघि अभिनेत्री दीपिका प्रसाईं र पल शाह अनुबन्धित भइसकेका छन्। फिल्मको कथा निर्देशक भट्टराईले लेखेका हुन्। फिल्मका अन्य कलाकार र प्राविधिकबारे केही समयपछि जानकारी दिने बताएको छ।
क्रिएटिभ सिने आर्टसले निर्माण गर्न लागेको फिल्ममा एसडी योगीको संगीत, राम अविरल विष्टको गीत, राजुविक्रम थापाको डिओपी रहनेछ।
फिल्म असोज २ गतेदेखि छायांकनमा जानेछ। फिल्मको छायांकन पोखराको रमणीय स्थलमा गरिने निर्देशक भट्टराईले जानकारी दिए।
दिवाकरले यसअघि 'मेरो जीवन साथी, स्टुपिड मन, ड्रिम्स, ऐश्वर्य र क्याप्टेन' जस्ता चर्चित फिल्म निर्देशन गरिसकेका छन्।
