दिवाकर भट्टराईको लेखन तथा निर्देशन रहेको लभस्टोरी फिल्म 'हनी बनी' को प्रदर्शन मिति तय गरिएको छ।
सोमबार निर्माण टिमले एक पोस्टर सार्वजनिक गर्दै फिल्मको प्रदर्शन मिति तय गरेका हुन्। यो फिल्म माघ २६ गतेदेखि प्रदर्शन हुनेछ।
सार्वजनिक पोस्टरमा अभिनेता अभिमन्यु तोमर र जसिता गुरुङ रोमान्टिक अवतारमा प्रस्तुत गरिएको छ। अभिमन्यु भारतीय मोडल हुन्। उनको यो पहिलो फिचर फिल्म हो।
एबी इन्टरनेशनल र गौतम प्रोडक्सन एन्ड भ्वाइस फिल्म्ससँग सहकार्य गरेर निर्माण गरेको फिल्ममा अभिमन्यु र जसितासँगै सूर्यमाला खनाल, सलोन बस्नेत, अजुनजंग शाहीलगायत कलाकारको अभिनय छ।
अमित बस्नेत, परी राना र आरोन बस्नेत निर्माता रहेको फिल्ममा अजित थापा र सनिस खकुरेल सह-निर्माता छन्। अंकित गौतम कार्यकारी निर्माता रहेको फिल्मको एसोसिएट निर्मातामा सुरज कुँवर र अजित पल सिंह छन्। निर्माता अमितले फिल्मको पटकथा लेखेका हुन्।
निर्माण कम्पनी एबी इन्टरनेशलले यसअघि 'पासवर्ड' र 'सम्हालिन्छ कहिले मन' फिल्म निर्माण गरिसकेको छ भने 'लन्डन टु पेरिस' प्रदर्शनको तयारीमा छ।
