अभिनेता विल्सनविक्रम राई (तक्मे बुढा) ले फिल्म 'मैझारो' निर्माण गर्ने भएका छन्। उनकै 'तक्मे प्रोडक्सन' को ब्यानरमा बन्ने फिल्ममा विल्सनकै लेखन तथा निर्देशन रहनेछ।
फिल्ममा अभिनेता धिरज मगर अनुबन्धित भएका छन्। हालसालै धिरजसँग सम्झौता भएको विल्सनले बताए।
'सोसल, लभस्टोरी र कमेडी परिवेशमा रहेर फिल्म बनाउन लागेको हुँ', विल्सनले भने, 'अहिले कलाकार छनोटकै चरणमा छौं।'
यसमा विल्सनको अभिनय रहने/नरहने टुंगो लागिसकेको छैन। फिल्ममा अनमोल गुरूङ र तोरेम्पाहाङ राईको संगीत रहनेछ।
साउन पहिलो हप्तादेखि इलाम र पाँचथरको रमणीय स्थलमा छायांकन गरिने फिल्मलाई सौरभ लामाले खिच्नेछन्।
फिल्मबारे अन्य जानकारी छिट्टै दिइने विल्सनले बताए।
-1746009348.jpg)
