फिल्म 'कस्तुरी' निर्माण हुने भएको छ। 'टेन इन्टरटेनमेन्ट प्रा.लि.' ब्यानरबाट बन्ने फिल्ममा अभिनेता निखिल उप्रेती र अभिनेत्री वर्षा शिवाकोटी मुख्य भूमिकामा रहने छन्।
धिरज अग्रवालको निर्माण रहने फिल्ममा ऋत बोहोराको कथा र निर्देशन रहने छ।
यो फिल्म सस्पेन्स थ्रिलर विधामा निर्माण गरिनेछ। निर्देशक बोहोराका अनुसार फिल्ममा रहस्य, डर र उत्सुकता मिसिएको कथावस्तु प्रस्तुत गरिनेछ। फिल्मले मनोवैज्ञानिक तनाव, हत्या, अपहरण र षड्यन्त्रजस्ता विषयहरूलाई समेट्ने उनले बताए।
फिल्ममा निखिल उप्रेती र वर्षा शिवाकोटीले पहिलो पटक सँगै पर्दा सेयर गर्दैछन्। उनीहरूसँगै निशा अधिकारी, ब्रजेश खनाल, शेखर चापागाईं र निर्मल शर्माको पनि अभिनय रहनेछ। अन्य कलाकार तथा प्राविधिक टोलीको छनोट कार्य जारी छ।
अञ्जली चौधरी सह–निर्माता रहेको फिल्म आलोक शुक्लाले छायांकन गर्नेछन्।
फिल्ममा प्रशान्त शिवाकोटीको संगीत रहनेछ भने युवराज काफ्लेले गीत लेख्नेछन्। फिल्मको प्रचार–प्रसार डिजाइन ‘ट्राइडेन्ट’ ले गर्नेछ भने दिलीप पन्त निर्माण व्यवस्थापकको रूपमा कार्यरत छन्।
निर्माण पक्षका अनुसार ‘कस्तुरी’ को छायांकन आगामी मंसिरदेखि काठमाडौं र आसपासका क्षेत्रमा सुरू हुनेछ।
1635339834.jpeg)
-1746009348.jpg)
