दीपक आचार्य (काकु) निर्देशित फिल्म 'परान' सिनेमा हलमा अझै प्रदर्शनरत छ।
कात्तिक १४ गते रिलिज फिल्मले पुस ५ गते प्रदर्शनको ५१ औं दिन मनाएको थियो। मंगलबार फिल्म ६८ औं दिनमा प्रदर्शनरत छ। क्युएफएक्स, आइएनआइ जस्ता ठूला मल्टिप्लेक्स चेनमा पनि फिल्म अझै चलिरहेको छ।
चलचित्र विकास बोर्डको पछिल्लो रिपोर्टअनुसार फिल्मले बक्स अफिसमा १७ करोड ७१ लाख १७ हजार ८३० रूपैयाँ ग्रस कमाइ गरेको छ। यो गत शनिबार (पुस १९) गतेसम्मको कमाइ हो।
यो अवधिमा फिल्मको ६ लाख २८ हजार ७९३ वटा टिकट बिक्री भएको चलचित्र विकास बोर्डको विवरणमा उल्लेख छ।
'परान' मा नीर शाह, मदनकृष्ण श्रेष्ठ, महेश त्रिपाठी, अञ्जना बराईली, पूजा चन्द, केकी अधिकारी, प्रविण खतिवडा, बुद्धि तामाङलगायतको अभिनय छ। शेखर गोल्छा र रञ्जित आचार्य फिल्मका निर्माता हुन्। 'परान' यस वर्षको सर्वाधिक कमाउने फिल्म हो।
-1746009348.jpg)
