लोकप्रिय नेपाली हास्य टेलिभिजन शो 'कमेडी दरबार' को तेस्रो सिजन चैत २० (३ अप्रिल) देखि दर्शकमाझ आउने भएको छ।
दुई सिजन सकिएपछि करिब तीन महिनाको अन्तरालमा कार्यक्रम नयाँ फर्म्याटका साथ पुनः दर्शकमाझ आउन लागेको हो। तेस्रो सिजनमा नयाँ सेट, नयाँ कमेडियन र जज थपिनेछन् भने कार्यक्रमको प्रस्तुति शैली (फर्म्याट) मा पनि केही परिवर्तन हुनेछ।
शोका निर्देशक तथा होस्ट विक्की अग्रवाल तेस्रो सिजनलाई अघिल्ला सिजनभन्दा अझ रोचक र आकर्षक बनाउन आफूहरू लागिपरेको बताउँछन्। उनका अनुसार यसपटक भव्य सेटसहित तेस्रो सिजन प्रसारणमा आउनेछ।
'कमेडी दरबार ३' मा 'महाराजा', 'महारानी' (जज) मा मनोज गजुरेल र गौरी मल्ल यथावत रहनेछन् भने अझ एकजना जज थप गरिनेछ। फिल्म क्षेत्रका एक अभिनेता जजका रूपमा आउनेछन्।
कलाकारहरूको सन्दर्भमा पनि केही फेरबदल हुनेछ। अघिल्ला सिजनमा धेरैजसो कलाकारहरू यथावत रहे पनि दुई जना कलाकारहरू देखिने छैनन् भने दुई जना नयाँ कमेडियन थप हुनेछन्।
अघिल्ला सिजनका अधिकांश कलाकारहरू यथावत रहने भए पनि दुई जना कलाकार भने यस सिजनमा देखिने छैनन्। उनीहरूको स्थानमा दुई जना नयाँ कमेडियन थपिने निर्देशक अग्रवालले जानकारी दिए।
'उहाँहरू सबैसँग कन्ट्याक भैसकको छ', विक्कीले भने, 'केही दिनमा कार्यक्रम गरेर औपचारिक जानकारी दिनेछौं।'
तेस्रो सिजनमा हिमेश पन्त र उत्सव सापकोटा भने सहभागी नहुने बुझिएको छ।
कमेडियन तथा नन-कमेडियन चर्चित कलाकारहरूको कार्यक्रम ‘कमेडी दरबार’ ले प्रसारण सुरू गरेको छोटो समयमै दर्शकमाझ लोकप्रियता कमाएको थियो।
शोको टिमले हाल कथानक फिल्म 'ककाकिकी' को समेत निर्माण गरिरहेको छ। फिल्ममा विक्की अग्रवाल र श्रद्धा प्रसाईंको निर्देशन छ।
-1746009348.jpg)
