कमेडियन सुन्दर खनालले नयाँ कमेडी शो ल्याउने भएका छन्। उनको निर्देशनमा कमेडी रोस्ट ब्याटल रियालिटी शो 'कमेडी बाज' दर्शकमाझ आउने भएको हो।
सुन्दरका अनुसार बैशाख पहिलो सातादेखि शो प्रसारणमा ल्याउने तयारी गरिएको छ। उनले यस प्रकारको कमेडी रोस्ट ब्याटल शैलीको कार्यक्रम नेपालमा पहिलोपटक दर्शकमाझ ल्याउन लागिएको बताए।
शोमा कमेडियन सीता न्यौपाने, सुशान्त बस्याल, आशिष न्यौपानेलगायत कलाकारहरू पर्फमरका रूपमा जोडिएका छन्। त्यस्तै, आरती थापा होस्टका रूपमा अनुबन्ध भएकी छन्। उनी मिस नेपाल २०२५ की प्रतियोगी हुन्।
निर्देशक सुन्दर स्वयं पनि शोको निर्देशनसँगै होस्टका रूपमा प्रस्तुत हुनेछन्। उनका अनुसार कार्यक्रममा गेस्ट पर्फर्मरका रूपमा पनि परिचित अनुहारहरू सहभागी हुनेछन्।
'गेस्ट पर्फर्मरले पनि रोस्ट फर्काउनुहुनेछ,' सुन्दरले भने, 'नेपालको सन्दर्भमा केही फरक र नयाँ खालको शो ल्याउन लागेका हौं।'
शो युट्युब र राष्ट्रिय टेलिभिजनमार्फत प्रसारणमा ल्याउने तयारी छ। सुन्दर जेठ २० गतेदेखि प्रसारण तयारीमा रहेको 'कमेडी दरबार ३' मार्फत पनि दर्शकमाझ आउने तयारीमा छन्।
-1746009348.jpg)
