पल शाह र पूजा शर्माको शीर्ष अभिनय रहेको फिल्म 'रावायण' युट्युबमा सार्वजनिक भएको छ। सुदर्शन थापाको निर्देशन रहेको फिल्म ओएसआर डिजिटलको युट्युबमा सार्वजनिक भएको हो।
पूजा शर्मा निर्माता रहेको फिल्म डेढ वर्षअघि सिनेमा हलमा रिलिज भएको थियो। त्यसबेला अभिनेता पल शाहले फिल्ममा प्रयोग गरिएको नक्कली दाह्रीलाई लिएर आलोचना खेप्नुपरेको थियो।
'रावायण' मा प्रियंका कार्की, प्रमोद अग्रहरी, प्रकाश शाह, अर्जुन जंग शाही, शर्मिला मल्ल, कैलाश रावल, अनिल कुर्मी, प्रदिप ढकाललगायत कलाकारहरूको समेत अभिनय छ।
