काठमाडौं महानगरपालिकाले आज खुला मञ्चबाट ‘टोल टोलमा फिल्म महोत्सव’ को औपचारिक रूपमा सुरू गरेको छ।
खुला मञ्चमा अमन शाही निर्देशित लघु चलचित्र ‘नन्द’, ताराङ् निर्देशित लघु चलचित्र ‘सवारी साहित्य’ र इशान भुषाल निर्देशित लघु चलचित्र ‘पेन्गुइन रिभोलुसन’ प्रदर्शन हुनेछन्।
यी लघु चलचित्रहरू काठमाडौँ माउन्टेन इन्टरनेशनल फिल्म फेस्टिभलसँगको सहकार्यमा प्राप्त भएका हुन् । महोत्सवका कार्यक्रम असार महिना भरि हरेक शुक्रबार र शनिवार सञ्चालन हुनेछन्।
कार्यक्रमको प्राविधिक पक्ष महानगरपालिकाले व्यवस्थापन गरेको छ भने व्यवस्थापनका खुला आह्वानबाट स्थानीय संघसंस्थाहरू छनोट गरेको छ। यसरी छानिएका संस्थाहरूले कार्यक्रम व्यवस्थापन गर्नेछन्। यसअन्तर्गत आजको कार्यक्रम इकोज इन द भ्यालीले गरेको हो। भोलि असन क्षेत्रमा महोत्सव हुनेछ। यो कार्यक्रम नीलः सांस्कृतिक क्लबले गर्नेछ।
येँःका पुचले बालाजु बाइपास क्षेत्रमा, निर्णय नेपालले बागबजार सडक खण्डमा, नेपाल भाषा स्यनेकने फाउण्डेसन, यट्खा बहाल भाष्करकीर्ति महाविहारमा, न्हुग पःला सांस्कृतिक मिसा पुचःले लगनटोल, मैतीदेवी युनाइटेड क्लवले मैतीदेवी मन्दिर खुला चौरमा कार्यक्रम व्यवस्थापन गर्नेछन्।
महानगरका अनुसार सार्वजनिक स्थल, पार्क, डबली, चोकहरूमा फिल्म महोत्सवका कार्यक्रम आयोजना गर्ने योजना अनुरूप यी स्थान छानिएका हुन् ।
नेपाली चलचित्र क्षेत्रको विकास र विस्तारलाई योगदान दिन रचनात्मक उद्योग र समुदायसँग जोड्नु यो महोत्सवको मुख्य उद्देश्य रहेको आयोजकले बताएको छ।
महोत्सवमा लघु चलचित्र प्रदर्शन, चलचित्र, कला तथा रचनात्मक उद्योग लगायत विषयमा संवाद, सांस्कृतिक तथा सिर्जनात्मक कार्यक्रम तथा क्रियाकलाप हुनेछन्। मौलिक खानाका परिकार राखिनेछन्।
यस्तै कान्स फिल्म फेस्टिभलमा अनसर्टेन रिगार्ड विधामा ‘जुरी प्राइज’ र ‘वेस्ट साउण्ड क्रियसन’ अवार्डेड नेपाली कथानक चलचित्र ‘इलिफेन्ट इन द फग (तिनीहरू)’लाई नगद १० लाख रुपियाँ सहित सम्मान गरिएको छ।
वैशाख २९ गतेदेखि जेठ ९ गते (१२–२३ मे, २०२६) सम्म फ्रान्समा आयोजना भएको कान्स फिल्म फेस्टिभलको ७९ औँ श्रृङ्खलामा अविनाश विक्रम शाह निर्देशित नेपाली कथानक चलचित्र ‘इलिफेन्ट इन द फग (तिनीहरु)’ले अनसर्टेन रिगार्ड विधामा ‘जुरी प्राइज’ प्राप्त गरेको थियो।
-1781875552.jpg)
-1781875552.jpg)
-1781875552.jpg)
-1781875552.jpg)
-1781875551.jpg)
-1781875551.jpg)
-1781875551.jpg)
-1781875551.jpg)
-1781875550.jpg)
-1781875550.jpg)
-1781875550.jpg)
-1781875550.jpg)
-1781875549.jpg)
-1781875549.jpg)
-1781875317.jpg)
