गायक उज्ज्वल बाबुको नयाँ गीत 'फ्यान चल्यो घामको धुपैमा' सार्वजनिक भएको छ।
यो गीतमा उज्ज्वललाई गायनमा 'मेरो भ्वाइस युनिभर्स सिजन २' की प्रतियोगी गायिका जुनु प्रसाईले साथ दिएकी छन्। रमाइलो र नाच्ने शैलीको रोमान्टिक यस गीतमा प्रेमी-प्रेमिकाबीचको ठट्टा, नोकझोक र आकर्षणलाई प्रस्तुत गरिएको छ। गीतमा शब्द, संगीत र संगीत संयोजन बाबुल गिरीको छ।
भिडिओमा उदयराज गिरी र बिना राउतको अभिनय तथा नृत्य छ। गीतमा दुबैलाई रोमान्टिक प्रेम जोडीको रूपमा प्रस्तुत गरिएको छ। सुरेन्द्र बसेलको कोरियोग्राफी तथा निर्देशन रहेको भिडिओमा दिनेश पराजुलीको छायांकन र राकेश दाहालको सम्पादन छ।
भिडियोलाई अनुराधा गिरी र मदन प्रसाईले निर्माण गरेका हुन्।
गायक उज्ज्वल विगत ७ वर्षदेखि भारतमा रहेर संगीतमा सक्रिय छन्। उनले थुप्रै हिन्दी गीतमा स्वर दिएका छन्।
भिडिओः
-1746009348.jpg)
