लोकप्रिय सांगीतिक ब्यान्ड 'कुटुम्ब' ले काठमाडौंमा कन्सर्ट गर्ने भएको छ।
'कुटुम्ब' ले पुस २६ गते शनिबार (जनवरी १०)मा बुढानिलकण्ठ नगरपालिका-१३ चुनिखेल कौडोलस्थित '२९ रिसोर्ट एन्ड फार्म हाउस' मा कन्सर्ट गर्ने भएको हो। 'कुटुम्ब लाइभ म्युजिक' नाम दिइएको कन्सर्ट साँझ ५ बजेबाट सुरू हुनेछ।
कन्सर्टमा टिकटको मूल्य ५ सय रूपैयाँ राखिएको छ। आयोजक तथा २९ रिसोर्ट एन्ड फार्म हाउसका सञ्चालकमध्येका एक दिमेश श्रेष्ठका अनुसार कन्सर्टलाई व्यवस्थित र सहज बनाउन टिकट प्रणाली अपनाइएको हो।
'टिकट बेचेर नाफा कमाउने हाम्रो उद्देश्य होइन,' फिल्म निर्मातासमेत रहेका श्रेष्ठले भने, 'दर्शकको सेलेक्सन र भीड नियन्त्रणका लागि मात्रै टिकट राखेका हौं।'
कन्सर्टमा 'कुटुम्ब' ले नेवारी गीतसंगीतलाई प्राथमिकता दिनेछ। साथै, अन्य सांगीतिक प्रस्तुति पनि रहनेछ।
चार करोड लगानीमा '२९ रिसोर्ट एन्ड फार्म हाउस' गत वर्षबाट सञ्चालनमा आएको थियो।
-1746009348.jpg)
