गायिका समीक्षा अधिकारी सांगीतिक कार्यक्रमका लागि जापान पुगेकी छिन्। गल्कोट समाज जापानले अंग्रेजी नयाँ वर्षको अवसरमा आयोजना गरेको कार्यक्रमका लागि उनी मंगलबार त्यहाँ पुगेकी हुन्।
ओसाका, नागोया र टोकियोमा हुने कार्यक्रममा नेपालबाट चर्चित गायक शिव परियार र समीक्षा जापान पुगेका हुन्।
डिसेम्बर ३१ (बुधबार) ओसाका, जनवरी १ (बिहीबार) नागोया र जनवरी २ (शुक्रबार) टोकियोमा कार्यक्रम तय छ। कार्यक्रममा रामकृष्ण बम मल्ल, सूर्य खड्का लगायतका कलाकारहरूको समेत प्रस्तुति रहनेछ।
जापानबाट एक सातापछि मात्रै नेपाल फर्किने समीक्षाले बताइन्।
यसैबीच, समीक्षाको पछिल्लो गीत 'शिरमा शिरबन्दी' युट्युबमा करोड क्लबमा पुगेको छ। एक महिनाको छोटो समयमै गीतले १० मिलियन भ्युजको आँकडा पार गरेको हो। यो गीतमा समीक्षा र सुवास खत्रीको स्वर छ।
टिकटक र रिल्समा पनि यसका हुक-स्टेप र धुन ट्रेन्डिङ बनेका छन्।
समीक्षाले गीतको भिडिओमा अभिनय तथा नृत्य समेत गरेकी छिन्।
-1746009348.jpg)
