लोकगायिका सुनिता दुलालले वेडिङ सङ 'शिरको बाटो हुँदै' सार्वजनिक गरेकी छन्। गत मंसिरमा प्रेमी राजेश केसीसँग विवाह गरेकी उनले आफ्नै वैवाहिक अवसरमा गाएको गीत शुक्रबार सार्वजनिक गरेकी हुन्।
'शिरको बाटो हुँदै' पञ्चेबाजा गीत हो। यसमा सुनितासँगै खेम सेञ्चुरी र घमेश दुलालको स्वर छ। शब्द तथा संगीत प्रेम सापाकोटा सोनुको हो भने सुनिल परियारको एरेन्ज छ।
गीतले वैवाहिक जीवनको सुरूआतमा हुने भावनात्मक अनुभूति, प्रेम र समर्पणलाई प्रस्तुत गर्छ। सुनिताले आफ्नो जीवनको महत्वपूर्ण क्षणलाई संगीतमार्फत स्रोता-दर्शकसँग बाँड्दै माया, आर्शिवाद र साथको अपेक्षा गरेकी छन्।
भिडिओमा वेडिङ सिटी नेपाल र महेश केसीको छायांकन, प्रविन भट्टको सम्पादन छ।
-1746009348.jpg)
