जिके पोख्रेलको शब्द र संगीतमा 'इन्दिरा' बोलको गीत सार्वजनिक भएको छ।
नृत्यप्रधान गीत 'इन्दिरा' मा एलिना चौहान र जिके पोख्रेलको स्वर छ। म्युजिक नेपालमा रेकर्ड गरिएको गीतको रेकर्डिङ नकुल कार्की र अनिल अधिकारीले गरेका हुन्। प्रकाश खरेलले संगीत संयोजन र मिक्सिङ/मास्टरिङ गरेको गीत म्युजिक नेपालकै युट्युब च्यानलबाट सोमबार सार्वजनिक गरिएको हो।
राजाराम सिम्खडाको नृत्य निर्देशनमा बनेको भिडिओमा विमल अधिकारी र स्मारिका ढकालको नृत्य तथा अभिनय छ। राजेश घिमिरेको छायांकन रहेको भिडिओको सम्पादन र कलरिङ दीपक विष्टले गरेका हुन्।
'लगभग डेढ दशक कला क्षेत्रमा थकाई मारेर प्राध्यापन र पत्रकारितामा रमाउन र हराउन बाध्य थिएँ। प्राध्यापन कर्म छोडेपछि गीत लेखन र कम्पोजमा समय निस्कियो। तिनैमध्येको यो एक 'जली' र नृत्यप्रधान गीत हो,' पोख्रेलले थपे, 'गीतको पहिलो स्थायीको ‘टुक्का’ सुन्न थालेपछि दर्शक अन्तिमसम्मै सुन्न लालायित हुनुहुनेछ भन्ने मेरो विश्वास हो।'
उनका अनुसार सांगीतिक बजारमा आइरहेका आम गीतभन्दा इन्दिरा फरक स्वादको छ।
दुईजना पात्रको भेटघाटपछि मिलनसम्मको कथालाई म्युजिक भिडिओमा समेटिएको छ। गीता भुसाल र बाबुराम काफ्लेले उत्पादन गरेको भिडिओको निर्देशक नरेन्द्रराज भट्टराई हुन्।
-1746009348.jpg)
