नर्वेजियन स्ट्राइकर इर्लिङ हाल्यान्डले पाँच दिनको अन्तरमा दुई ह्याट्रिक गरेका छन्।
शनिबार राति इंग्लिस एफए कपको क्वार्टरफाइनलको खेलमा म्यानचेस्टर सिटीले वर्नलीमाथि ६-० को जित निकाल्दा हाल्यान्डले ह्याट्रिक पूरा गरे।
उनले खेलको ३२, ३५ र ५९ मिनेटमा गोल गरेका थिए।
यसअघि हाल्यान्डले युरोपियन च्याम्पियन्स लिगअन्तर्गत मंगलबार अन्तिम १६ को दोस्रो लेगमा सिटीले जर्मन क्लब आरबी लाइपिजमाथि ७-० को जित निकाल्दा पाँच गोल गरेका थिए।
यो सिजन हाल्यान्डले ४२ गोल गरिसकेका छन्। हाल्यान्डले सिटीका लागि ६ ह्याट्रिक गरिसकेका छन्।
प्रकाशित मिति: आइतबार, चैत ५, २०७९, १०:५७:००
