बजारमा कोइरालो आउन पाइन थालेको छ।
व्यवसायीका अनुसार दुई सातादेखि बजारमा कोइरालो आउन थालेको हो।
कोइरालोको मुख्य सिजन चैत हो। कोइरालो विशेषगरी धादिङको धुनेबेशी नगरपालिकाको जीवनपुर, केबलपुर, छत्रेदेउराली लगायत विभिन्न ठाउँबाट आउने गरेको छ।
कालीमाटी बजारको तथ्यांक हेर्दा मंगलबार कोइरालो प्रति थोक मूल्य तीन सय २० देखि तीन सय ५० रूपैयाँसम्ममा कारोबार भएको छ।
सिजन सुरू भएसँगै कोइरालोको मूल्य घट्ने व्यवसायीहरू बताउँछन्।
'अहिले भर्खरै आउन थालेको महँगो भएको हो,' कालिमाटीका एक व्यवसायीले भने, 'चैत लागेपछि कोइरालोको मूल्य घट्छ।'
कोइरालोको चैत महिनाभरी आउने छ। कोइरालो ओइलाउने र बिग्रिहाल्ने भएकाले धेरै समय राख्न सकिँदैन।
सिजनमा कोइरालो प्रतिकिलो एक सय रूपैयाँसम्म पाइने छ।
कोइरालो एक प्रकारको वनस्पति हो। यसको फूलको अचार बनाएर खाने गरिन्छ।
-1746009348.jpg)
