कुमारी बैंकले काठमाडौं उपत्यकाभित्र तथा बाहिर गरेर सात नयाँ शाखाहरु संचालनमा ल्याएको छ।
काठमाडौंस्थित नयाँ वानेश्वर शाखाको बैंकका संचालक समितिका अध्यक्ष अमिर प्रतापजब राणा र नागरिक लगानी कोषका प्रमुख रमण नेपालले संयुक्त रूपमा उद्घाटन गरे।
यसैगरी, कीर्तिपुर शाखाको उद्घाटन संचालक समितिका सदस्य महेश प्रसाद पोखरेल र कीर्तिपुर नगरपालिका ९ का वडाअध्यक्ष गंगाराम महर्जनले संयूक्त रुपमा गरे।
संचालक समितिका सदस्य कृष्णप्रसाद ज्ञवाली तथा बनेपा नगरपालिकाका मेयर लक्ष्मी नरसिंह बादे श्रेष्ठले बनेपा शाखाको संयुक्त रूपमा उदघाटन गरे।
बैंकले उपत्यकाबाहिर भने नवलपरासीस्थित गैंडाकोट, बारास्थित जितपुर, चितवनस्थित पुरानो पर्सा, पर्सास्थित सिर्सियामा गरी कूल ४ शाखाहरू औपचारिक रुपमा संचालनमा ल्याएको छ।
उपत्यका बाहिरका शाखाहरुको भौतिक उद्घाटन सम्बन्धित ठाउ‘बाट भएतापनि मोबाईल प्रविधिबाट विद्युुतीय ई–उद्घाटन बैंकको केन्द्रिय कार्यालयबाटै बैंकका संचालक समिति, बैंकका उच्च पधादिकारी तथा अन्य कर्मचारीको उपस्थितिमा सम्पन्न भएको हो।
विगत १८ वर्षदेखि निरन्तर बैंकिङ्ग सेवा दिँदै आएको कुमारी बैंकले देशभर १०७ शाखा संजाल विस्तार गरेको छ। ९३ एटिएम्, ८ शाखारहित बैंकिङ्ग ईकाईहरू तथा ३ एक्सटेन्सन काउन्टर मार्फत ग्राहकलाई अत्याधुनिक तथा प्रभावकारी सेवाहरू आगामी दिनहरूमा पनि पुर्याउँदै जाने बैंकले प्रतिबद्धता जनाएको छ।
