नेपालका प्रमुख राजमार्गहरूमा सडक प्रयोग दस्तुर (टोल) संकलन अब थप आधुनिक र डिजिटल हुने भएको छ।
नेपाल राष्ट्र बैंकले मंगलबार परिपत्र जारी गर्दै वाणिज्य बैंकलाई रेडियो फ्रिक्वेन्सी आइडेन्टिफिकेसन चिपमा (आरइफआइडी) आधारित प्रिपेड ट्याग कार्ड जारी गर्न अनुमति दिएको हो।
योसँगै टोल प्रणालीमा प्रविधिको प्रयोग विस्तार हुने भएको हो।
नयाँ व्यवस्थाअनुसार नेपाल सरकारले तोकेका सडक तथा सडक खण्डमा चल्ने सवारीसाधनबाट टोल शुल्क संकलन गर्न वाणिज्य बैंकहरूले आरइफआइडीमा आधारित प्रिपेड ट्याग कार्ड जारी गर्न सक्नेछन्।
यो कार्ड सवारीसाधनमा जडान गरिनेछ र टोल नाकामा रोकिनु नपरी स्वचालित रूपमा शुल्क कट्टा हुनेछ।
यस व्यवस्थाले नगदरहित भुक्तानीलाई प्रोत्साहन गर्ने अपेक्षा गरिएको छ।
राष्ट्र बैंकको यो पहल नेपालमा डिजिटल भुक्तानी प्रणाली विस्तार गर्ने रणनीतिसँग समेत जोडिएको छ, जसले आगामी दिनमा 'स्मार्ट ट्रान्सपोर्ट' अवधारणालाई अघि बढाउन सहयोग पुग्ने देखिन्छ।
-1746009348.jpg)
