मंगलबारको कारोबारमा नेप्से परिसूचक १६.२४ अंकले बढेर १९८५.४३ बिन्दुमा बन्द भएको छ।
मंगलबार नेप्से परिसूचकसँगै कारोबार रकम पनि अघिल्लो दिनको तुलनामा बढेको छ।
गत कारोबार दिन ८७ करोड रूपैयाँको सेयर कारोबार भएकोमा यस दिन उक्त रकम बढेर १ अर्ब १७ करोड ६६ लाख ८० हजार ७५७ रुपैयाँ पुगेको छ।
यस दिन २७२ वटा धितोपत्रको ४३ लाख ३६ हजार ५८३ कित्ता सेयर किनबेच भएको हो।
मंगलबार शुवम् पावरको सेयरमूल्य सर्वाधिक १० प्रतिशतले बढेको छ।
उक्त कम्पनीको सेयर मूल्य ९७५ रुपैयाँ ८० पैसा पुगेको छ।
यस्तै, थ्री स्टार हाइड्रोपावरको सेयर मूल्य ९.९९ प्रतिशतले बढेर प्रति कित्ता मूल्य ४०८ रुपैयाँ ५० पैसा कायम भएको छ।
सेयर मूल्य सर्वाधिक घट्नेमा इमर्जीङ नेपाल रहेको छ।
उक्त कम्पनीको सेयर मूल्य ८ प्रतिशतले घटेर प्रति कित्ता मूल्य ९७० रुपैयाँमा सीमित भएको छ।
यस्तै, आरबिबी म्युचुअल फण्ड–२ को इकाइ मूल्य ५.६४ प्रतिशतले घटेर प्रति इकाइ मूल्य ७ रुपैयाँ ७० पैसा कायम भएको छ।
मंगलबार रिलायबल नेपाल लाइफ इन्स्योरेन्सको सर्वाधिक कारोबार भएको छ।
उक्त कम्पनीको प्रतिकित्ता ४८५ रुपैयाँ ५० पैसामा १० करोड ६४ लाख बराबरको सेयर कारोबार भएको हो।
यो मूल्य अघिल्लो दिनको तुलनामा ०.७२ प्रतिशत बढेको हो।
सर्वाधिक सेयर खरिद–बिक्री हुने दोस्रो कम्पनीमा ओरियन्टल होटल रहेको छ। उक्त कम्पनीको प्रतिकित्ता ७५१ रुपैयाँमा ४ करोड १० लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये होटल्स तथा पर्यटन र व्यापार समूहको परिसूचक ०.०९ र ०.९३ अंकले घटेको छ भने बाँकी सबै समूहको परिसूचक बढेको छ।
यसदिन जलविद्युत समूहको परिसूचक सर्वाधिक ३.२१ प्रतिशतले बढेको हो।
यस्तै, वित्त समूहको परिसूचक १.९५ प्रतिशतले बढेको छ।
