सोमबार नेप्से परिसूचक घटेको छ।
नेप्से ५.५४ अंकले घटेर २६३५ विन्दुमा बन्द भएको हो।
सोमबार नेप्से परिसूचक घटे पनि कारोबार रकम भने अघिल्लो दिनको तुलनामा बढेको छ।
अघिल्लो कारोबार दिन चार अर्ब ९० करोड रूपैयाँको सेयर कारोबार भएकोमा यसदिन उक्त रकम बढेर ६ अर्ब ४७ करोड रूपैयाँमा सीमित भएको छ।
यसदिन ३३३ वटा धितोपत्रको एक करोड २३ लाख नौ हजार ७४४ कित्ता सेयर किनबेच भएको हो।
सोमबार ७५ कम्पनीको सेयरमूल्य बढेको छ भने १७८ वटाको घटेको छ। यस्तै, सात कम्पनी स्थिर छन्।
यसदिन एसवाई प्यानल र श्रीनगर एग्रिगेटको मूल्य सर्वाधिक १० प्रतिशतले बढेर प्रतिकित्ता मूल्य क्रमशः एक हजार ३८३ रूपैयाँ ८० पैसा र एक हजार ११४ रूपैयाँ ३० पैसा पुगेको छ।
यस्तै, रसुवागढी हाइड्रोपावरको मूल्य ८.५३ प्रतिशतले बढेको छ। उक्त कम्पनीको प्रतिकित्ता मूल्य २९४ रूपैयाँ पुगेको छ।
यसैगरी, सुपर मादी हाइड्रोपावरको मूल्य सर्वाधिक ४.२५ प्रतिशतले घटेर प्रति कित्ता मूल्य ४९६ रूपैयाँमा झरेको छ।
सोमबार एसवाई प्यानलको सर्वाधिक कारोबार भएको छ।
उक्त कम्पनीको प्रतिकित्ता ४२ करोड २२ लाख बराबरको सेयर कारोबार भएको हो।
सर्वाधिक सेयर खरिद–बिक्री हुने दोस्रो सूचीमा राधी विद्युत रहेको छ। उक्त कम्पनीको ७८८ रूपैयाँमा ३१ करोड ५७ लाख रूपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये नौ समूहको परिसूचक घटेको छ भने बाँकी चार समूहको परिसूचक बढेको छ।
यसमध्ये उत्पादन तथा प्रशोधन समूहको परिसूचक सर्वाधिक १.०२ प्रतिशतले बढेको छ।
-1746009348.jpg)
