बुधबार नेप्से परिसूचक सामान्य अंकले बढेको छ।
नेप्से ५.३८ अंकले बढेर २७३१.८९ विन्दुमा बन्द भएको छ।
नेप्से बढेपनि कारोबार रकम भने अघिल्लो दिनको तुलनामा घटेको छ।
मंगलबार १४ अर्ब १६ करोड रकमको कारोबार भएकोमा बुधबार ११ अर्ब ४९ करोडमा झरेको छ।
यसदिन ३३४ वटा धितोपत्रको दुई करोड ३६ लाख १८ हजार १८६ कित्ता सेयर किनबेच भएको हो।
बुधबार १४१ कम्पनीको सेयरमूल्य बढेको छ भने ११२ वटाको घटेको छ। यस्तै, सात कम्पनी स्थिर छन्।
यसदिन कर्पोरेट डेभलपमेन्ट बैंक र आँखुखोला जलविद्युतको सेयर मूल्य सर्वाधिक १० प्रतिशतका दरले बढेको छ।
उक्त कम्पनीको प्रतिकित्ता मूल्य क्रमशः दुई हजार १९६ रूपैयाँ ७० पैसा र ३०४ रूपैयाँ ७० पैसा पुगेको छ।
यसैगरी, गुडविल फइनान्स डिबेन्चरको मूल्य सर्वाधिक ८.०७ प्रतिशतले घटेर प्रति डिबेन्चर मूल्य एक हजार १३९ रूपैयाँमा झरेको छ।
बुधबार आँखुखोला जलविद्युतको सर्वाधिक कारोबार भएको छ।
उक्त कम्पनीको प्रतिकित्ता ३०४ रूपैयाँ ७० पैसामा ८३ करोड ५७ लाख बराबरको सेयर कारोबार भएको हो।
सर्वाधिक सेयर खरिद–बिक्री हुने दोस्रो सूचीमा राधी विद्युत रहेको छ। उक्त कम्पनीको ८६३ रूपैयाँमा ५४ करोड ३६ लाख रूपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये पाँच समूहको परिसूचक घटेको छ भने बाँकी आठ समूहको परिसूचक बढेको छ।
यसमध्ये वित्त समूहको परिसूचक सर्वाधिक १.३३ प्रतिशतले बढेको छ।
-1746009348.jpg)
