प्रतिसेयर आम्दानीमा कुन बैंक अगाडि?

सेतोपाटी संवाददाता

काठमाडौं, माघ १५

वाणिज्य बैंकहरूको आर्थिक वर्ष २०८२-८३ को ६ महिना (साउनदेखि पुससम्म) को वित्तीय विवरण प्रकाशित भएको छ।

बैंकहरूको नाफा १२ प्रतिशत हाराहारी बढेको छ।

सञ्चालनमा रहेका २० वाणिज्य बैंकले प्रकाशित गरेको वित्तीय विवरण अनुसार नाफा ३० अर्ब ५२ करोड रूपैयाँमा सीमित भएको छ।

यसअघि यी बैंकहरूको नाफा २७ अर्ब ३६ करोड रूपैयाँ थियो। नाफा मात्रै होइन बैंकहरूको प्रतिसेयर आम्दानी पनि बढेको छ।

यस्तो आम्दानी यसअघि औसत १४.४ प्रतिशत रहेकोमा यसपटक बढेर १६.३ प्रतिशत पुगेको छ।

बैंकले कमाएको नाफा रकम हरेक प्रति सेयरलाई भाग लगाउँदा कति पर्छ भनेर यसले देखाउँछ।

सेयर बजार विश्लेषणमा यसलाई महत्त्वपूर्ण सूचक मानिन्छ।

चालु आर्थिक वर्षको दोस्रो त्रैमासमा यस सूचक आधारमा नबिल बैंक अग्रस्थानमा छ।

बैंकको प्रतिसेयर आम्दानी ३५ रूपैयाँ चार पैसा छ।

एनआइसी एसिया बैंक सबैभन्दा तल्लो स्थानमा छ। यसको यस्तो आम्दानी एक रूपैयाँ ७७ पैसा छ।

त्यस्तै, लक्ष्मी सनराइज बैंक भने नोक्सानमा देखिएकोले यस्तो आम्दानी पनि ऋणात्मक छ।

बैंक	प्रति सेयर आम्दानी रु.
बैंक	पुस २०८२	पुस २०८१
नबिल बैंक	३५.०४	२४.०५
एभरेष्ट बैंक	३०.८६	३२.०६
स्ट्याण्डर्ड चार्टर्ड बैंक	२७.३५	३२.७
राष्ट्रिय वाणिज्य बैंक	२२.६४	९.७६
कुमारी बैंक	२०.७४	२.१
सानिमा बैंक	२०.५४	१७.६१
प्राइम कमर्सियल बैंक	१९.५	१९.२८
नेपाल एसबिआई बैंक	१८.९३	१५.५२
सिद्धार्थ बैंक	१७.९८	७.२
नेपाल बैंक	१७.७६	६.२७
एनएमबी बैंक	१७.१	२०.७८
ग्लोबल आइएमई बैंक	१७.०३	१६.
माछापुच्छ्रे बैंक	१६.७३	१३.३६
हिमालयन बैंक	११.४५	१४.०३
कृषि विकास बैंक	९.९	११.५
नेपाल इन्भेष्टमेन्ट मेगा बैंक	९.४५	१६.६
प्रभु बैंक	८.६८	८.७
सिटिजन्स बैंक	४.६३	८.९६
एनआइसी एसिया बैंक	१.७७	२.०४
लक्ष्मी सनराइज बैंक	-२.०४	९.५५