बुधबार नेप्से परिसूचक उच्च अंकले घटेको छ।
नेप्से ४६.७८ अंकले घटेर २७९६.५७ विन्दुमा बन्द भएको छ।
नेप्सेसँगै कारोबार रकम पनि अघिल्लो दिनको तुलनामा घटेको छ।
मंगलबार २१ अर्ब रूपैयाँको कारोबार भएकोमा बुधबार १३ अर्ब १८ करोड रूपैयाँमा पुगेको छ।
यसदिन ३२९ वटा धितोपत्रको तीन करोड ६० लाख ४९ हजार ४५१ कित्ता सेयर किनबेच भएको हो।
बुधबार ३४ कम्पनीको सेयर मूल्य बढेको छ भने २२५ वटाको घटेको छ। यस्तै, तीन कम्पनी स्थिर छन्।
यसदिन साल्पा विकास बैंकको सेयर मूल्य सर्वाधिक १० प्रतिशतले बढेको छ।
उक्त कम्पनीको प्रतिकित्ता मूल्य ८६२ रूपैयाँ ४० पैसा कायम भएको छ।
यस्तै, नेसनल हाइड्रोपावरको सेयर मूल्य ९.९६ प्रतिशतले बढेर प्रतिकित्ता मूल्य २६३ रूपैयाँ ८० पैसा पुगेको छ।
सर्वाधिक मूल्य घट्ने कम्पनीमा कालिका पावर रहेको छ।
उक्त कम्पनीको मूल्य ८.४७ प्रतिशतले घटेर प्रतिकित्ता मूल्य ५६२ रूपैयाँमा झरेको छ।
यसैगरी, पन्चकन्या माई हाइड्रोपावरको मूल्य ५.७७ प्रतिशतले घटेर प्रतिकित्ता मूल्य ३९२ रूपैयाँमा सीमित भएको छ।
बुधबार रिडी पावरको सर्वाधिक कारोबार भएको छ।
उक्त कम्पनीको प्रतिकित्ता ३५१ रूपैयाँ ६० पैसामा ८५ करोड ९४ लाख बराबरको सेयर कारोबार भएको हो।
यो मूल्य अघिल्लो दिनको तुलनामा ५.९० प्रतिशत बढेको हो।
सर्वाधिक सेयर खरिद–बिक्री हुने दोस्रो सूचीमा आँखुखोला जलविद्युत रहेको छ। उक्त कम्पनीको ३७९ रूपैयाँ ६० पैसामा ५१ करोड २९ लाख रूपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये म्युचुअल फण्ड समूहको परिसूचक बढेको छ भने बाँकी सबै समूहको परिसूचक घटेको छ।
यसमध्ये व्यापार समूहको परिसूचक सर्वाधिक ३.४० प्रतिशतले घटेको छ।
-1746009348.jpg)
