सोपान फर्मास्युटिकल्सको आइपिओ आज (बिहीबार) बाँडफाँट भएको छ।
कम्पनीको बिक्री प्रबन्धक एनएमबी क्यापिटलको कार्यालयमा भएको बाँडफाँटमा तीन लाख ४७ हजार ४९० आवेदकले १० कित्ताका दरले सेयर पाएका छन्।
उक्त आइपिओमा कुल २७ लाख ३० हजार ९८७ जनाले दुई करोड ९९ लाख ६ हजार ५२० कित्ताका लागि आवेदन दिएका बिक्री प्रबन्धकको भनाइ छ।
कम्पनीले वैशाख ३ गतेदेखि वैशाख ८ गतेसम्म सर्वसाधारणहरूका लागि उक्त आइपिओ बिक्री गरेको थियो।
कम्पनीले प्रतिकित्ता १०० रुपैयाँ अंकित मूल्यका ३४ करोड ७४ लाख ९० हजार रूपैयाँ बराबरको ३४ लाख ७४ हजार ९०० कित्ता सेयर सर्वसाधारणका लागि निष्कासन गरेको थियो।
लगानीकर्ताले बिक्री प्रबन्धक एनएमबी क्यापिटलको वेबसाइट र मेरो सेयर एकाउन्टबाट आइपिओको नतिजा हेर्न सक्नेछन्।
साथै, कम्पनीको वेबसाइट तथा सिडिएस एन्ड क्लियरिङको वेबसाइट बाट पनि नतिजा हेर्न सकिन्छ।
